headImg        
7
apr

slandsverkefni - Rdd jar - jlag

- gst Atlason
Auglsing Halldrs
Auglsing Halldrs

Hann Halldór Gunnar Pálsson, stundum kallaður kjörsonur Flateyrar og kórstjóri Fjallabræðra datt niður á frábæra hugmynd, að ná rödd þjóðar. Halldór er hér fyrir vestan á páskum til að fanga rödd vestfirðinga og þeirra sem þar eru staddir. Er þetta tilvalið fyrir gesti og tónlistamenn sem eru hér staddir til að taka þátt í þessu stórbrotna verkefni. Nú þegar hafa um 438 manns tekið þátt og virðast vestfirðingar vera að standa sig vel í þessu. Hægt er að fylgjast með verkefninu á thjodlag.is og sjá hvað er að gerast, en skrifaðar eru fréttir þar daglega á meðan verkefninu stendur.

 

Sýnum nú hvað í okkur býr og fjölmennum í Listakaupstað kl: 11:30. Listakaupstaður er í gamla Norðurtangahúsinu á efstu hæð, sjáumst!

 

Hér á eftir kemur fréttatilkynning frá Halldóri Gunnari:

 

Halldór Gunnar Pálsson, Önfirðingur og kórstjóri Fjallabræðra er um þessar mundir að vinna að stóru verkefni sem „vonandi mun bera mig hringinn í kringum landið,“ eins og hann hefur orðað sjálfur. Halldór Gunnar hefur að undanförnu verið að vinna lag fyrir Fjallabræður sem hefur hlotið nafnið Ísland. Lagið er stórt og mikið og eru margir sem koma að flutningi þess, þ.á.m Fjallabræður, hljómsveit Fjallabræðra, Unnur Birna Björnsdóttir og lúðrasveit Vestmannaeyja. Halldór Gunnar samdi lagið en textann samdi Jökull Jörgensen. Einsöng í laginu syngur Unnur Birna Björnsdóttir sem einnig kom að því að semja lagið. „Eftir að lagið fór að taka á sig mynd kviknaði sú brjálaða hugmynd að leggja af stað í
það verkefni að ná að fanga „Rödd Þjóðarinnar“ inn á lokakafla lagsins.
Samkvæmt þeim upplýsingum sem ég hef eru 10% þjóðarinnar skilgreiningin á rödd þjóðarinnar og hana ætla ég að
fanga,“ segir Halldór Gunnar.


En hvernig ætlar hann að fara að þessu?
„Það er einfalt, ég ætla að keyra hringinn í kringum landið, stoppa á fyrirfram ákveðnum stöðum sem ég verð búinn að hafa samband við og safna fólki saman til að láta það syngja. Og að ferðalaginu loknu verður öllum upptökum blandað
saman til að mynda einn risastóran kór - rödd þjóðarinnar.“


Allir velkomnir
Halldór Gunnar mun hafa samband við kóra, leik,- og grunnskóla og aðra félagsstarfssemi í hverju byggðarlagi fyrir sig til að biðja fólk um að taka þátt en hann leitast einnig eftir öllum þeim sem vilja syngja með inn á lagið í hverju byggðarlagi. „Á hverjum stað sem ég heimsæki verður opið hús þar sem upptökur fara fram. Kafli lagsins er einfaldur og fljótlærður og
mun það ekki taka langan tíma að kenna sönglínuna og taka hana upp,“ segir Halldór Gunnar.


Samstarfsaðilar
Pétur Kristján og Helgi Guðmundssynir hjá Trailerparkstudios munu fylgja verkefninu eftir við hvert fótmál og búa til sjónrænt listaverk við lagið þar sem land og þjóð fara með aðalhlutverk.


Markmið
Markmiðið með þessu öllu saman er að reyna að sameina þjóðina í söng. Það er alveg klikkað ef að heil þjóð tekur sig
saman í söng, það hlýtur bara að vera einsdæmi.
Að verkefninu loknu verður lagið og myndbandið gert aðgengilegt öllum að kostnaðarlausu á vefsíðu verkefnisins sem verið er að vinna að.


Vestfjarðarferð.
Verkefnið hefst föstudaginn 30. mars á Vestfjarðarferð og er dagskrá þess hluta sem hér segir:

 

30. mars
31. mars
2. apríl
3. apríl
3.Apríl
4. apríl
7. apríl
10.apríl
Föstudagur Hólmavík Félagsheimili kl:18:00

Laugardagur Flateyri Félagsheimili kl:15:00

Mánudagur Suðureyri Félagsheimili kl 21:00

Þriðjudagur Súðavík Súðavíkurskóli kl:13:00
Þriðjudagur Bolungarvík Félagsheimilið kl:20:00
Miðvikudagur Þingeyri Félagsheimili kl:17:30
Laugardagur Ísafjörður Listakaupstaður kl:11:30

Þriðjudagur Patreksfjörður Félagsheimili kl:18:00


Allar nánari upplýsingar veitir Halldór Gunnar Pálsson
Tölvupóstur : halldorgunnar@thjodlag.is

Sími : 6609438

Vefumsjn