Kannski munu þessi loga, á meðan þú sefur!

Nú fer hver að verða síðastur að finna sér gistingu yfir Rokkpáskatryllinginn sem hefst eftir aðeins 11 daga. Lítill rokkfugl hvíslaði að nefndarmeðlimum að gisting væri öll að verða uppbókuð á svæðinu og því um að gera að hafa hraðar hendur. Hægt er að sjá hér hvar gistiheimili og hótel eru. En samkvæmt okkar upplýsingum eru eftirfarandi enn með laus herbergi:

Ísafjörður:

Miðpunktur Aldrei fór ég suður hátíðarinnar.

Fyrir þá sem vilja taka páskahelgina með stæl og hyggilegheitum, þá eru enn laus herbergi á Hótel Ísafirði sem eru þó seld í 3gja daga pakka með morgunverði. Heyrst hefur að aðrir staðir séu uppbókaðir en þó vert að athuga t.d. Gamla Gistiheimilið og Gistingu Áslaugar(Sjá á Google maps) því fólk getur jú hætt við á síðustu stundu. 

Suðureyri:

15-20 mínútna akstur frá Ísafirði. Margrómaður staður fyrir nálægð við náttúruna og góðan hamborgara á sjoppunni.

Gistiheimilið 66 á enn nokkur herbergi laus samkvæmt heimildum AFÉS. Mikilvægt er að segja frá því að á Suðureyri er besta sundlaugin(mögulega hlutlægt mat undirritaðrar) í Ísafjarðarbæ og því hentugt að vakna þar og kíkja í sund áður en rokkið tekur við.

Einnig er Hvíldarklettur með einhverjar íbúðir lausar, á þau næst í síma 456-6667. 

Flateyri:

Ekki náðist á neina hvíslandi fugla á Flateyri í þessari upplýsingaöflun. En þess má geta að kórinn Fjallabræður á upphaf sitt að þakka Flateyri. 

Uppfært: Hvíldarklettur á einhverjar íbúðir sem enn eru lausar, sími 456-6667. 

Önundarfjörður:

Í Önundarfirði er enn laus gisting á Kirkjubóli í Korpudal, sem er um 20 mínútna akstri frá Ísafirði. Hér er notalegt að vera og nálægð við náttúruna gerir gott fyrir þreytta rokkhátíðlinga. 

Bolungarvík:

15 mínútna akstur frá Ísafirði í gegnum öruggustu göng á landinu þar sem Óshlíðinni hefur verið lokað.

Í Bolungarvík er laus gisting hjá skvísunum í Systrablokkinni og ekki er nú slæmt að gista í Bolungarvík þar sem Grafík heldur uppi stuðinu á alvöru vestfirsku sveitaballi þar á páskadag.

Sömuleiðis eru þónokkur laus herbergi í Einarshúsi sem er í nokkurra tuga metra fjarlægð frá Félagsheimilinu í Bolungarvík þar ballið með Grafík er einmitt haldið.

Þingeyri:

40 mínútna akstur frá Ísafirði, snilldarsundlaug og eins og allir sem vel eru lesnir í íslenskum fornbókmenntum er fræga setningin ,,Nú falla öll vötn til Dýrafjarðar” sögð um þennan fallega fjörð sem Þingeyri stendur við.

Gistiheimilið Fjarðargötu 10 á enn nokkur herbergi laus. Einnig eru herbergi laus á Gistihúsinu Við Fjörðinn Þingeyri herbergi með aðgengi að eldhúsi, tékkið á Við fjörðinn. Og svo má líka athuga með Hótel Sandafell en þar eru laus herbergi líka.

Dýrafjörður:

Hótel Núpur í Dýrafirði er einnig með laust í gistingu og bjóða þeir upp á Aldrei fór ég suður tilboð á vef sínum, þeir bjóða einnig upp á sætaferðir fram og til baka á meðan hátíð stendur, tékkið á því!

BB fjallar einnig um málið, kíkið á þeirra frétt hérna.

Svo fyrir ykkur sem enn eigið eftir að finna hvar þið ætlið að hvíla höfuðið að degi loknum yfir hátíðina er um að gera að fara að hringja símtöl. Nema jú þið þekkið einhverja góðviljaða heimamenn sem geta fyllt húsið af dýnum. 

Gítarneglur fyrir allan peninginn!

Hér koma nokkur orð frá henni Matthildi Helgadóttur Jónudóttur og söluhópnum góða, en Aldrei fór ég suður hefur kappkostað við að vera með svalan varning til sölu í ár, sem og í fyrra:

Margir sem farið hafa á rokkhátíðina Aldrei fór ég suður hafa keypt bol eða merki til minningar um frábæra skemmtun og til að styrkja hátíðina. Frá fyrstu hátíð hafa verið seldir bolir og barmmerki en í fyrra var stofnaður sérstakur söluhópur til að gera söluna markvissari og til að auka úrvalið. Þetta hefur tekist ágætlega og í fyrra komu fram nokkrar nýjungar s.s. gítarneglur, eyrnalokkar, hettupeysur og fleira sem rann út eins og heitar lummur. Í ár verða skemmtilegar nýjungar í boði sem kynntar verða á allra næstu dögum. Forsala á varningi verður í Vestfirsku Versluninni og hefst salan strax í þessari viku og nýjar vörur munu detta inn um leið og þær koma úr framleiðslu. Vestfirska verslunin er til húsa að Aðalstræti 26 í miðbæ Ísafjarðar.

Við viljum hvetja fólk til vera snemma á ferðinni og tryggja sér varning því við erum með takmarkað upplag. Að kaupa söluvarning er líka frábær leið til að sýna þakklæti ykkar fyrir þessa dásamlegu fríu tónleika.  Allir græða á því, hátíðin fær pening upp í kostnað og þið fáið ótrúlega flotta vöru.

Eða eins og Mugison sagði „Maður gerir ekki rassgat einn“

Rokkknús frá söluhópnum með von um lífleg viðskipti!

KNH Skemman er rokkskemman í ár!

Þessi tilkynning var að berast frá Rokkstjóra vorum:

Húsnæðismál hátíðarinnar:
Undirbúningsnefnd Aldrei fór ég suður fór ögn fram úr sér við tilkynningu á nýju húsnæði hátíðarinnar. Við nánari athugun hefur orðið ljóst að tími gefst ekki til að breyta húsnæðinu þannig að hægt sé með góðu móti að fylla það af tónleikagestum, að minnsta kosti ekki þetta árið.
Við viljum þakka eigendum Skipanausts og forsvarsmönnum Eimskipa kærlega fyrir auðsýndan velvilja og biðjumst afsökunar á þessu frumhlaupi okkar.
Leitað hefur verið á náðir húsráðenda á Grænagarði þar sem hátíðin hefur verið til húsa síðustu þrjú ár og hafa þeir tekið vel í beiðni okkar. Hátíðin verður því haldin þar í ár. Fá þeir okkar bestu þakkir fyrir.

Dagskrá:
Að vanda verður hátíðin haldin um páskahelgina og lítur dagskráin svona út:

Fimmtudagur 5. apríl

Kl. 21:00 - 00:00 Upphitunarkvöld í Ísafjarðarbíó 
Stand up og tónlist
Kl. 20:00 - 22:00 Stuð, stuð, stuð. Edinborgarhúsinu á Ísafirði. Kvöldstund um tónlist með Dr. Gunna. Saga íslenska rokksins og poppsins 1950 – 2010.

Föstudagur 6. apríl

Kl.18:00 - 01:00 Rokkhátíð alþýðunnar verður haldin á Grænagarði, í KNH-skemmunni.


Laugardagur 7. apríl

Kl.16:00 - 01:00 Rokkhátíð alþýðunnar verður haldin á Grænagarði, í KNH-skemmunni.


Foreldrar hátíðarinnar í ár:
Eins og undanfarin ár þá er enginn aðgangseyrir að hátíðinni og því um einstakan viðburð að ræða. Allt tónlistarfólkið sem kemur fram gefur vinnu sína og gerir það okkur kleift að sleppa því að rukka aðgangseyri. Dyggileg aðkoma fyrirtækja hefur tryggt hátíðinni fjármagn til þess að halda hátíðina. Í ár hefur hátíðin eignast nýjan hóp foreldra og erum við mjög stolt af þessum hópi

Foreldrar okkar í ár eru:

• Flugfélag Íslands
• Landsbankinn
• N1
• Orkusalan 
• Menningarráð Vestfjarða

Svo fór um sjóferð þá, en horfum á björtu hliðarnar, við kunnum sko að rokka í KNH skemmunni og stuðið verður ennþá sullandi og bullandi!

Retro Stefson

Retro Stefson. Punktur. 

Þarf að segja meira?  Í rauninni ekki , en ef svo skemmtilega vill til að þú kæri lesandi hafir verið að leigja hjá draugi Gísla á Uppsölum undanfarin misseri og ert nú fyrst koma til baka í siðmenninguna, leyfið mér þá að lýsa upp líf yðar með fagnaðarerindinu  sem Retro Stefson er.  Þessi Reykvísku glæsimenni byrjuðu fyrst á því að heilla landsmenn uppúr skónum með disknum Montana sem inníhélt allt frá afríkugrúvi til diskópopps.  Það skemmdi heldur ekki fyrir hversu magnaða tónleikaupplifun þeir bjóða uppá.  Uppá síðkastið hafa þeir einnig verið að smokra sér útfyrir landsteinana og var seinni diskur þeirra Kimbabwe einnig gefin út í Evrópu og dvöldu þau í Berlín um tíma við æfingar og spilerí. 

Þeirra nýjasta lag Qween fór í spilun fyrir stuttu,  og var það ekki verra en svo, að það situr nú í efsta sæti vinsældarlista rásar 2.    

(Þarna eru þau í flugskýli, og næst er það (stórt) bátaskýli. Fullt af rokkstigum!)

Klysja

Hinir ungu kappar í Klysju(áður þekktir undir nafninu U.S.I.) hafa tryllt ísfirsk ungmenni uppá síðkastið, meðal annars á síðustu Aldrei fór ég suður hátíð.  Og hefur sveitinni hefur aðeins uxið ásmeginn síðan þá, orðnir þéttari og semja hvern smellinn á fætur öðrum.  Þeir eru t.d. komnir með fastráðinn söngvara og eru meðal þáttakenda í Músiktilraunum í Austurbæ í ár, og mæli ég með því að sem flestir kíkji á þá laugardaginn 24. mars.   Klysju liðar gæla við hinar ýmsu stefnur rokksins, en það má glögglega heyra áhrif frá hljómsveitum eins og Kings of Leon og Muse. 

(Myndband með undir 300 views, fullt af hipster stigum í boði!)

Dúkkulísur
Þetta frækna kvennaband sleit barnskónum á Egilstöðum og stóðu svo uppi sem sigurvegarar Músiktilrauna árið 83’.  Þær lét hina íslensku karlrembu ekkert á sig fá og brilleruðu algerlega bæði í lagasmíðum og tónleikahaldi,  liggja t.d. eftir þær smellir eins og Svarthvíta hetjan mín og Pamela í Dallas.  Árið 1987 fór sveitin í dvala um nokkra hríð, en sneri svo aftur 10 árum seinna á 50 ára afmæli Egilstaðarbæjar við mikinn fögnuð íslenskrar tónlistarflóru.  Spilagleðin tók sig aftur upp í dömunum og hafa þær komið reglulega saman síðan þá, bæði til tónsmíða og tónleikahalds.  Þær lengi lifi!

Sykur

Einu sinni sagði eitthver eitthvertíman að elektróník væri dauð.  Eða var það pönkið?  Allavega, Sykur hefur unnið í því að gera heim okkar sætari með úrvals elektrói síðan 2009,  lög þeirra eru ýmist pjúra raftónlist eða hreinræktað elektró með úrvals vókulum(er ég farinn að endurtaka mig?).   Þeir grúva svo vel að ef hver einasti 19 ára danssjúklingur myndi roðna niður í tær við þann heiður að vera nefnd í sömu setningu og Sykur.   Eins og stendur held ég að FM Belfast eigi metið í  flokki raftónlistarmanna sem tekist hefur að halda fótum dansþyrstra hátíðargesta af gólfinu sem lengst, en mig grunar að Sykur eigi eftir að gefa þeim gott “run for the money”(eins og maður segir á góðri slæmsku).

(Ég veit þeir eiga nýrri lög, en þetta er bara svo vandræðalega gott.)

Gudrid Hansdóttir
Þessi unga dama er fædd og uppalin í færeyjum en hefur uppá síðkastið búið og starfað á okkar fögru frón.  Hún spilar popp skotna folk tónlist, og syngur ýmist á ensku og færeysku og tekst að ná fram mjög skemmtilegru stemmingu með blönduu þessara ólíku tungumála.  Poppið kemur með enskunni, en það sem lyftir tónlistinni er á hærra plan er hversu unaðslega ljóðræn færeyskan hljómar.  Unun á að heyra.  Ég er eiginlega í hálfgerri(algerri) tónlistarvímu eftir að hafa sett saman þessa færslu, ef rokknefndin heldur áfram að buna inn svona góðum atriðum þá veit ég ekki hvort ég eigi eftir að lifa af fram að hátíð. 

Ég veit það, þú veist það, mamma þín og pabbi vita það, þú ert ekki að fara að læra á páskahelginni!

Þó svo hin margumtalaða prófljóta sé ekki enn mætt að fullu, þá er ekki erfitt að þekkja háskólanema úr fjarlægð. Við erum flest(mörg – ekki öll, sum ykkar eru enn þokkalega sæt) með úfið og óhreint hár, nagaðar neglur, bauga, kaffiandfýlu og mistaugaveiklað útlit – sitjandi inná lesstofu mastersnema þrátt fyrir að vera enn í grunnámi(þið sem eruð enn í BA/BS vitið uppá ykkur sökina). Þar þykjumst við læra en erum í raun bara að tala um hvað það er ógeðslega mikið að gera, stalka sæta gæjann sem situr á móti okkur á facebook eða plana næsta djamm/næstu kaffipásu.

Þar sem ég undirrituð tilheyri klárlega hópnum sem lýst var hér fyrir ofan(og sit einmitt inná masters – að skrifa þennan pistil) veit ég að ferðum mínum útaf facebook og inná www.aldrei.is fer fjölgandi í takt við dagafjölda fram að hátíð. Og í staðinn fyrir að ýta endalaust á refresh takkann inná facebook stend ég mig að því að setja Aldrei fór ég suður síðuna í upphafssíðu og kíki þangað inn á 10 mínútna fresti og eftirvæntingin eftir listamannalistanum magnast upp með hverju refresh-i!

Á aldrei fór ég suður er margt skemmtilegt fyrir hinn almenna háskólanema sem annars leggur leið sína að öllu jöfnu ekki nema á milli lesstofu og Hámu til að sækja sér enn einn kaffibollann eða fimmtu kókoskúluna þessa vikuna. Listamannalistinn er að detta inná og þar sem við erum alltaf að röfla um blankheit, þá erum við að móðga hugtakið fátæki námsmaðurinn með því að fúlsa við tveggja daga ÓKEYPIS tónlistarveislu.

Á þessari margrómuðu rokkhátíð aukast líkur á sleik um u.þ.b. 148% og þó það hljómi eins og rússnesk tölfræði þá get ég sagt ykkur SPSS nördunum að þetta stenst. Ísafjörður er morandi í skemmtilegu fólki, bæði heimamönnum og aðkomumönnum, myndarlegir skeggjaðir rokkarar bókstaflega flæða um svæðið og sætar og skemmtilegar stelpur, strípaðir Selfyssingar og allskonar skvísur, Frakkar, Þjóðverjar og allra þjóða kvikindi mæta á AFÉS. Allir hipsterarnir af Kaffibarnum og Bakkus mæta að sjálfsögðu líka. Og þú elsku háskólanemi, mátt ekki missa af þessu.

Ólíkt plebbanum þá erum við háskólanemarnir ekki lengi að draga fram lopapeysuna og converse skóna. Setja tilheyrandi vökva í fleyginn fallega og fleygja skólabókunum útí horn. Við þurfum enga fancy gistingu á Hótel Ísafirði, okkur nægir dýna á gólfi hjá vini vinar eða aftursætið í bílnum sem við keyrðum í vestur. Enda erum við jú, alltaf að væla um það hvað við erum blönk.

Ég veit það, þú veist það, mamma þín og pabbi vita það, þú ert ekki að fara að læra á páskahelginni – svo í staðinn fyrir að hanga uppí skóla, og væla um hvað það sé mikið að gera hjá þér, reddaðu þér þá fari, náðu í svefnpokann og drífðu þig vestur! 

Og þið ykkar sem eruð að skrifa BA/BS ritgerðina ykkar og segist ekki geta komið, Í ALVÖRU TALAÐ þá munu tveir dagar í dansandi trylltum sleik á rokkhátíð alþýðunnar ekki breyta miklu um framvindu þessarar ritgerðar, ef eitthvað er þá mun það bara gefa ykkur aukna orku og breytta sýn á viðfangsefnið!

Taktu þessa páska á annað level – Komdu og rokkaðu fríkeypis!

P.s. Og já já, taktu bara með þér námsbækurnar. Þú mátt alveg trúa því að þú munir læra á daginn, eða í bílnum á leiðinni eða þegar þú vaknar þunn/þunnur á morgnanna(uppúr hádegi) eða á meðan vinir þínir hamborgara sig í gang í Hamraborg eða hvernig sem það er. Vertu bara ekkert að gera ráð fyrir of mörgum blaðsíðum í lestri á dag. 

Dr. Gunni ásamt dægurlagahetjunni Jóni Kr. frá Bíldudal við safn þess síðarnefnda, Melódíur minninganna á Bíldudal

Það er greinilegt í andrúmsloftinu að Aldrei fór ég suður nálgast hratt. Aðeins 23 dagar eru til 9. rokkhátíðar alþýðunnar. Hátíðin hefur heldur betur lengt í sér, en í upphafi var hún aðeins eitt kvöld. Atburðir tengdir hátíðinni hafa hlaðist utan á hana og ætla ég að kynna hér einn slíkan, en Dr. Gunni ætlar að reka sögu íslenskrar dægurtónlistar í Edinborgarhúsinu að kvöldi Skírdags, fimmtudagskvöldið 5. apríl á milli kl. 20-22. Dr. Gunni rekur þar sögu dægurtónlistar á Íslandi í máli, músík og myndum frá því á 19. öld til okkar daga. Hann byggir fyrirlesturinn á samnefndri bók sem kemur út í haust.

Þetta ætlar Dr. Gunni að gera fyrir 0 krónur og er að sjálfsögðu frítt inn, í anda Aldrei fór ég suður!

Er þetta hluti af atburðaröðinni Tónlistin frá ýmsum hliðum sem  Listaskóli Rögnvaldar Ólafssonar og Fræðslumiðstöð Vestfjarða gangast fyrir.

Stuð að eilífu - Missir ekki af því!