Eins og þið vitið öll þá er ekki möguleiki að framkvæma Aldrei fór ég suður án þess að fá dygga aðstoð sjálfboðaliða. Núna erum við komin á fullt í að undirbúa næstu hátíð og erum við farin að leita eftir góðu og duglegu fólki til að taka þátt í undirbúningi og framkvæmd hátíðarinnar.

Ef þú hefur áhuga á því að taka þátt og hjálpa þá vinsamlegast sendu mér tölvupóst á rokkstjori@aldrei.is og við munum svo vera í sambandi við þig þegar nær dregur!

Okkur vantar aðstoð við eftirtalda hluti:

Bruch á heimavistinni fyrir tónlistarfólkið.

 
Þær Nanný og Ásgerður ætla að taka að sér að skipuleggja þetta og vantar þeim 6 manns til að hjálpa til við matreiðslu hvorn daginn - alls 12 sjálboðarliða.

Heimavistin

 
Hún Dóra Norðdahl ætlar að stýra teyminu sem gerir heimavistina klára á miðvikudeginum fyrir páska. Hana vantar með sér ca 6 manns og tekur þetta rúman klukkutíma.
Svo vantar okkur ca 10 manns í frágang á mánudeginum, taka af rúmum og koma dýnum aftur í geymslu.

Tónleikastaðurinn

Okkur vantar fólk til að undirbúa og taka saman á tónleikastaðnum. Þarna er verið að smíða, setja upp tjöld og þessháttar. Okkur vantar 6 manns í undirbúninginn og 10 manns í fráganginn á sunnudeginum.

Salernismál

Bæði föstudags- og laugardagskvöldin vantar okkur fólk til að fylgjast með að allt sé í lagi á salernasvæðinu. Hugmyndin okkar var að skipta þessu í ca klukkutíma vaktir og viðkomandi fylgist með því hvort að það vanti klósettpappír og þessháttar. Guðfinna Hreiðars mun vera með yfirumsjón með klósettmálunum.

Það er okkur mikils virði að fá þína aðstoð og erum við því mjög spennt að fá að heyra frá ykkur!

Bestu kveðjur
Jón Þór Rokkstjóri

Ætli það leki ekki inn eitt til 2 video á dag svona til að hita upp fyrir sullandi bullandi rokk stuð sem aðeins má finna um páska á Ísafirði. Allar nefndir eru nú að vakna og funda til að gera hlutina sem flottasta í ár.

Söluvarningnefndin er byrjuð að sjóða saman hugmyndir og hef ég líka heyrt að yfirmannaofursemégveitekkihvaðheitirsemákveðuralltsemskiptirmálitónlistarlegaséðnefndin er farin að hittast og bralla upp rokkdagskrá fyrir okkur hin. Þá er ritstjórnin einnig að vakna og byrja að pósta fjörinu. Ég hef ákveðið að vera ritstjóri aldrei.is aftur í ár og mun hann Andri einstaki verða mér innan handar með efnisskrif eins og í fyrra, en drengurinn er ansi leikinn með lyklaborðið. Ef þig langar að vera með og hefur stuð&rokk fram að færa, endilega hafðu samband við mig :)

Sjáumst á AFÉS 2012!

Rokkkveðjur,

AFÉSarar

Rokkhátíð alþýðunnar, Aldrei fór ég suður, var haldin á Ísafirði í áttunda sinn nú í vor, en hún hefur heldur betur fest sig í sessi í þjóðarvitundinni síðan hún hóf göngu sína. Eins og margsinnis hefur komið fram er hátíðin hugarfóstur feðganna Mugison og Mugga, sem sáu þó ekki fyrir að hún yrði árlegur viðburður þegar þeir lögðu fyrstu drögin að ísfirskri tónlistarhátíð. Á hátíðinni hefur margt fremsta og þekktasta tónlistarfólk þjóðarinnar komið fram, en jöfn áhersla hefur samt sem áður verið lögð á óþekktari listamenn, sérstaklega frá Vestfjörðum. Hvað markmið hátíðarinnar varðar hafa aðstandendur hennar aldrei farið í grafgötur með það að þeirra heitasta ósk sé að á henni ríki sullandi stuð, eins og það heitir.

Að Aldrei fór ég suður hefur frá upphafi staðið samhentur hópur fólks sem gefur vinnu sína við hátíðina. Að vanda hóf undirbúningshópurinn vinnu sína um jól og fór dagskrá hans að þéttast þegar líða fór á veturinn. Í ár var sá hátturinn hafður á að hópurinn bar sig í auknum mæli eftir aðstoð heimamanna. Sú nýbreytni gafst sérlega vel að mati aðstandenda, enda dreifðust verkefnin á fleiri hendur og nýjum þáttakendum fylgdi aukinn kraftur.

Heimasíða hátíðarinnar, www.aldrei.is, er gott dæmi um hvers vel tókst til, en Ágúst Atlason tók að sér ritstjórn hennar, auk þess að gefa henni nýtt og ferskara útlit. Ágúst og samstarfsfólk hans náðu að lífga svo hressilega upp á síðuna að fyrirtæki alls óháð hátíðinni voru farin að falast eftir því að auglýsa á síðunni, enda var umferðin um hana mjög þétt og jöfn. Eins sá sterkur hópur um undirbúning og sölu á varningi tengdum hátíðinni. Úr þeirri vinnu komu alveg nýjar stefnur í söluvarningnum og miklu meira úrval en áður hefur verið. Sami hópur sá um að skipuleggja alla dreifingu á varningnum sem og að manna sölubásinn sem var opinn alla helgina á tónleikasvæðinu. Hápunktur vinnu söluteymsisins var hins vegar tvímælalaust uppboð á lopapeysu merktri Mugison og merki hátíðarinnar, en sú seldist á áður óheyrðu verði fyrir lopapeysu.

Á hátíð sem þessari, þar sem enginn fær greitt fyrir þátttöku, skiptir höfuðmáli að gestirnir sem koma til að troða upp upplifi sig sérstaklega velkomna. Undanfarin ár hafa aðstandendur því efnt til páskaveislu fyrir popparana, þar sem Papamug hefur boðið upp á rækjukokteil í forrétt og páskasvín í aðalrétt. Sú veisla er orðin ein af vinsælustu matarveislum ársins. Til að gera enn betur við gesti sína blésu skipuleggjendur hátíðarinnar í ár til morgunverðarhlaðborðs á heimavist popparanna yfir helgina. Það mæltist svo vel fyrir að ákveðið hefur verið að hlaðborðin verði hluti af hátíðinni héðan í frá.

Að nefna framlag nokkurra sjálfboðaliða er að hætta sér út á hálan ís, því fjöldinn sem að Aldrei fór ég suður kemur, á einn eða annan hátt, er í raun óteljandi. Hátíð sem þessi gæti aldrei orðið veruleiki ef ekki væri fyrir dyggan stuðning heimamanna – sem og gesta, sem leggja leið sína vestur gagngert til þess að hjálpa til við undirbúning. Ekki eru til nógu sterk orð til þess að lýsa þakklæti okkar aðstandenda til þeirra sem leggja hönd á plóg. Ætli það sé ekki einfaldast að segja eitt stórt og gott TAKK.

Jón Þór Þorleifsson, rokkstjóri

Hvernig fréttiru af uppboðinu? Ertu eitthvað tengdur vestur?

Sá þetta á stöð 2 og hljóp í tölvuna ;-) 

Hvar varstu um páskana?

Ég var með fjölskyldunni á Akureyri.

Hefuru farið á Aldrei fór ég suður?

Nei, ætla alltaf næst. 

Ertu aðdáandi hátíðarinnar eða Mugisons? 
Mér finnst andi hátíðarinnar skemmtilegur, allir í bænum einhvern veginn saman í þessu og finnst mér það aðdáunarvert. Mugison er snillingur.

Af hverju ákvaðstu að bjóða í peysuna?
Ég stend sjálfur í viðburðahaldi og þekki þörfina þegar það kemur að fjárhagnum. Ég tók eftir því á sýnum tíma þegar spurning var á lofti hvort hátíðin yrði ekki haldin aftur og fann ég þá strax löngun til að koma að þessu á einhvern hátt og þarna lá tækifærið. Þessi hátíð gefur bæjarfélaginu risastórt andlit sem sest í huga fólks og margborgar sig þegar allt kemur til alls. Mig hlakkar til að klæðast lopapeysunni á Lopapeysunni á írskum dögum Akranesi 2 júlí. Eftir það ætla ég að finna henni annan farveg í gott málefni, kannski sendi ég hana bara aftur vestur ;-)

Takk fyrir að gera Ísland skemmtilegra....

Það er greinilegt að Aldrei fór ég suður á sér sess í hugum fleirra heldur en ísfirðingum!

Takk Ísólfur!

Á næstu dögum koma svo myndir frá sundlaugar yoga/tónleika ferð sem farin var í sundlaug Bolungarvíkur á sunnudeginum og eitthvað smá matnum sem haldinn var fyrir Grafík/SSSól ballið sem var í Félagsheimili Bolungarvíkur á sunnudagskvöldinu, verst að hafa ekki náð að komast á það!

• Kíkið á herlegheitin!

GEEEEEEGGGGJAÐ!

Látum smá flakka hérna með:

Vintage Caravan from Inspired By Iceland on Vimeo.

Sokkabandið from Inspired By Iceland on Vimeo.

USI from Inspired By Iceland on Vimeo.

Valdimar from Inspired By Iceland on Vimeo.

Eins og sagt er, myndir segja meira en mörg orð, og hananú!

• Af fingrum fram með Jóni Ólafs og Helga Björns - Ágúst Atlason
• Bland frá Anítu Björk
• Allur föstudagurinn frá Ágústi Atlasyni