Ef þú rekur augun í eitthvað sem tilheyrir þér í þessari óskilamunahrúgu(eða villt einfaldlega fá Hálfdán Bjarka í frekari módel störf) þá senda rafrænan tölvupóst á netfangið rokkstjori@aldrei.is og við finnum leið til þess að koma því á viðkomandi. 

Eilíf ást og rokk og ról.

Nú er níundu Aldrei fór ég suður lokið og þvílíkur fjöldi hefur ekki sést áður á hátíðinni. Það var það okkur mikil ánægja að sjá að gestirnir okkar skemmtu sér bæði vel og fallega.

Við erum frekar montin af því að 18 af þeim 32 böndum sem komu fram á hátíðinni í ár eru að fullu eða einhverjum hluta mönnuð af Vestfirðingum. Þetta sýnir okkur að það er ekki bara mikið af tónlistarfólki hér fyrir vestan heldur er ansi mikið af mjög góðu tónlistarfólki hér fyrir vestan! :)

Ég gæti tekið nokkra daga í það að telja upp alla þá sem aðstoðuðu okkur við að gera hátíðina að því sem hún var en hættan er alltaf sú að gleyma einhverjum, því vil ég bara segja eitt stórt TAKK við alla þá sem hjálpuðu og metum við þessa aðstoð mjög mikils. Svo einfalt er það að án ykkar hefðum við aldrei getað massað þessa hátíð!

Takk kærlega fyrir allt og við hlökkum til að sjá ykkur að ári!

Rokkstjórinn

Á næstu dögum koma nokkrar greinar, eins og t.d óskilamunir og hann Andri ætlar að taka saman atriðin og gera þetta allt saman upp. Einnig munu hér birtast fullt fullt af myndum, bæði frá mér og Anítu Björk og vil ég einnig hvetja aðra ljósmyndara sem voru á staðnum að setja sig í samband við mig ef þeir væru til í að birta myndir hérna á vefnum í albúmi, ef þeir eiga væna syrpu, maður gerir, þið munið, ekki rassgat einn!

Mig langar svo að minna á að eitthvað af söluvarningnum er ennþá til, og er hægt að nálgast hann í Vestfirsku versluninni í "downtown" Ísafjörður. Verslunin er að Aðalstræti 24 og er vel merkt hátíðinni, eða amk var það. Umtalað hversu flottur varningurinn var í ár og það er gott að taka þátt með að kaupa svolítið :)

Until then....

Dagskráin í dag:

Kl.16:00 - 01:00 Rokkhátíð alþýðunnar verður haldin á Grænagarði, í KNH-skemmunni.

• Pollapönk
• Ketura
• 701
• Postularnir
• Biggibix
• Hótel Rotterdam
• Lori Kelley
• Snorri Helga
• Muck
• Gudrid Hansdottir
• Nolo
• Dúkkulísur
• HAM
• Þórunn Antonía
• Reykjavík!
• Áttavilltir
• Retro Stefson

Sýnum nú hvað í okkur býr og fjölmennum í Listakaupstað kl: 11:30. Listakaupstaður er í gamla Norðurtangahúsinu á efstu hæð, sjáumst!

Hér á eftir kemur fréttatilkynning frá Halldóri Gunnari:

Halldór Gunnar Pálsson, Önfirðingur og kórstjóri Fjallabræðra er um þessar mundir að vinna að stóru verkefni sem „vonandi mun bera mig hringinn í kringum landið,“ eins og hann hefur orðað sjálfur. Halldór Gunnar hefur að undanförnu verið að vinna lag fyrir Fjallabræður sem hefur hlotið nafnið Ísland. Lagið er stórt og mikið og eru margir sem koma að flutningi þess, þ.á.m Fjallabræður, hljómsveit Fjallabræðra, Unnur Birna Björnsdóttir og lúðrasveit Vestmannaeyja. Halldór Gunnar samdi lagið en textann samdi Jökull Jörgensen. Einsöng í laginu syngur Unnur Birna Björnsdóttir sem einnig kom að því að semja lagið. „Eftir að lagið fór að taka á sig mynd kviknaði sú brjálaða hugmynd að leggja af stað í
það verkefni að ná að fanga „Rödd Þjóðarinnar“ inn á lokakafla lagsins.
Samkvæmt þeim upplýsingum sem ég hef eru 10% þjóðarinnar skilgreiningin á rödd þjóðarinnar og hana ætla ég að
fanga,“ segir Halldór Gunnar.

En hvernig ætlar hann að fara að þessu?
„Það er einfalt, ég ætla að keyra hringinn í kringum landið, stoppa á fyrirfram ákveðnum stöðum sem ég verð búinn að hafa samband við og safna fólki saman til að láta það syngja. Og að ferðalaginu loknu verður öllum upptökum blandað
saman til að mynda einn risastóran kór - rödd þjóðarinnar.“

Allir velkomnir
Halldór Gunnar mun hafa samband við kóra, leik,- og grunnskóla og aðra félagsstarfssemi í hverju byggðarlagi fyrir sig til að biðja fólk um að taka þátt en hann leitast einnig eftir öllum þeim sem vilja syngja með inn á lagið í hverju byggðarlagi. „Á hverjum stað sem ég heimsæki verður opið hús þar sem upptökur fara fram. Kafli lagsins er einfaldur og fljótlærður og
mun það ekki taka langan tíma að kenna sönglínuna og taka hana upp,“ segir Halldór Gunnar.

Samstarfsaðilar
Pétur Kristján og Helgi Guðmundssynir hjá Trailerparkstudios munu fylgja verkefninu eftir við hvert fótmál og búa til sjónrænt listaverk við lagið þar sem land og þjóð fara með aðalhlutverk.

Markmið
Markmiðið með þessu öllu saman er að reyna að sameina þjóðina í söng. Það er alveg klikkað ef að heil þjóð tekur sig
saman í söng, það hlýtur bara að vera einsdæmi.
Að verkefninu loknu verður lagið og myndbandið gert aðgengilegt öllum að kostnaðarlausu á vefsíðu verkefnisins sem verið er að vinna að.

Vestfjarðarferð.
Verkefnið hefst föstudaginn 30. mars á Vestfjarðarferð og er dagskrá þess hluta sem hér segir:

Allar nánari upplýsingar veitir Halldór Gunnar Pálsson
Tölvupóstur : halldorgunnar@thjodlag.is

Sími : 6609438

• Orphic Oxtra
• Mugison
• Cutaways/ Gogo píur
• Klysja
• Svavar Knútur
• Skúli Þórðar
• Páll Óskar og Sunnukórinn
• Gang related
• Vintage caravan
• Jón Jónsson
• Legend
• Gísli Pálmi
• Skálmöld
• Sykur

Svo munið þið eftir því, þið sem komist ekki, að það má fylgjast með á Inspired by Iceland!

Dellusafnið á Flateyri verður opið laugardaginn 7. apríl frá kl. 11:00 til 17:00. Miðaverð er 500 kr. fyrir 13 ára og eldri. Athugið enginn posi á staðnum. Gestir rokkhátíðarinnar „Aldrei fór ég suður“ geta tryggt sér frían aðgang að Dellusafninu á morgun með því að sýna minjagrip frá hátíðinni við innganginn. Dellusafnið hvetur alla gesti „Aldrei fór ég suður“ til að kaupa minjagripi hátíðarinnar og styðja þannig við frábært menningarframtak.

Þá er bara að láta sjá sig!

Látum nokkrar myndir fylgja.

Rock on!

Hótel Rotterdam er heimasveit í hæsta gæðaflokki.  Skipuð forkunnarfögrum súgfirskum, bolvískum og ísfirskum drengjum.  Þeir rokka án þess að hafa áhyggjur, og skín spilagleðin ávallt frá þeim.   Þeir hafa farið í gengum mannabreytingar að undanförnu, fengið í lið með sér söngvara og nýjan gítarleikara, og er ekki von á öðru en þetta ferska blóð lyfti Hótel Rotterdam í nýjar hæðir.  Ef þetta væri hótel gagnrýni  þá fengu þeir hiklaust fimm stjörnur.

Þórunn Antonía

Leikkonan og söngfuglinn Þórunn Antonía er ferskasti ávöxturinn á dívutré íslenskrar tónlistar, og því ekki annað inn í myndinni að fá þennan látúnsbarka á Aldrei fór suður!  Hún vinnur nú að fyrstu plötu sinni í samstarfi við ekki minni menn en Berndsen og Hermigervill og má eflaust eiga von á dansvænu poppi og allskonar gúrme gúmmelaði úr herbúðum Þórunnar á næstunni. 

Cutaways

Hljómsveitin Cutaways er framlag Súðavíkur til hátíðarinnar í ár, þetta eru ungir drengir sem ganga í skóla í Súðavík og megum við sjálfsagt eiga von á því að sjá þá í Hörpu eftir ca. 5-6 ár ef þeir halda vel á spöðunum.  Þeir tóku þátt í samfestningum, söngvakeppni samfés fyrir hönd Súðavíkur með laginu Kyrlátt kvöld við fjörðinn, og hlutu þeir mjög góðar undirtektir þar, og ekki von á neinu minna á Aldrei fór ég suður.

HAM

Ég mæli með því að fólk geri viðeigandi varúðaráðstafanir áður en það fylgist með HAM, t.d. að vera ekki með neitt brotthætt meðferðis(eins og postulínstellið hennar Stínu frænku).  Einnig mæli ég ekki með því að fólk geri tilraun til að standa kjurrt,  þar sem það er ekki von á öðru en heljarinnar maníusbrjálæðisæðissnilldar kasti þegar þessar þungarokks goðsagnir stíga á svið.  Sem betur fer höfum við fallega smiðin hann Pétur Magg á okkar snærum, þar sem sviðið væri víst til að gliðna í sundur undan níþungu rokki HAM-liða ef minni menn sæu um smíði þess.  (Einnig vil ég benda yngri kynslóðinni á það að nota ekki nýja orðasambandið sem þið gætuð lært af HAM(Dauð Hóra), til að ná athygli ömmu í páskadagsboðinu.)  

Páll óskar og Sunnukórinn
Hann Pál Óskar þarf vart að kynna, enda einn af dáðustu söngvurum landsins og er hann jafnvígur á mjaðmaslengjandi europopp tónlist og ljúfsárar ballöður.  Í ár tekur hann höndum saman með hinum ísfirska kvennakór  Sunnukórnum, og verður án efa kátt í  skemmunni(sem breytist pottþétt í höll um leið) þegar diskóprins Íslands stígur á svið. (sinfó hvað!)

Postularnir

Samanstendur af undirrituðum og tveimur öðrum pungsveittum rokkurum.  Þeir komu saman í því markmiði að spila til þess að spila og hafa gaman af.  Útnárarokk með stuðmannarokksáhrifum.

GóGó Píur

Upprennandi söngdívur sem vert verður að fylgjast með í framtíðinni, þær tóku samfestinginn, söngvakeppni samfés með trompi og urðu þar í 3. sæti fyrir hönd Hólmavíkur.  En þau fluttu þar lagið Way beyond the blue með íslenskum texta eftir Arnar Jónsson, og er eflaust von á góðu frá þessum smástyrnum.

Lori Kelley

Er bandarískur söngvasmiður sem spilar fólk/popp/country af snilld sem aðeins kani gæti komið frá sér.  Hún hefur verið að frá því á unga aldri og hefur hún verið mjög virk vestan hafs, bæði að spila og gefa út. Með sér hefur hún einvala lið hljóðfæra leika eins og til að mynda trúbbgoðsagnina Gumma Hjalta og súðvíska krúttbombuna Eggert úr Súðavík.  Það verður gaman að sjá hvaða tónlistargjörning þessi kántrístuðbolti sýður oní pöpulinn!

Gísli Pálmi

Hinn eini sanni Gísli Pálmi þarf sennilega að koma vestur á vörubíl með tengivagni því að það dugir ekki venjuleg fokker flugvél, eða fólksbíll til að bera allt þetta swag yfir fjöll og fyrnindi.  Gísli Pálmi hefur verið að gera það gott undanfarið með villtum rímum með drynjandi bassatíðni og þéttum töktum.  Þetta verður swagalegt!

Ég skrapp í heimsókn í KNH skemmuna til að reyna að átta mig á öllu því sem fer fram fyrir tónleika og vá, þetta er ekkert smotterí. Það þarf að hugsa um húsnæðið, þrífa og ganga frá. Svo þarf að pæla sviðið, græjurnar, ljósin og allt umhverfið. Setja þetta svo allt saman og fá þetta til að virka.

Ómar Helga og Siggi Ómars stjórnuðu upsettningu sviðs og palla fyrir alla, hljóðmenn og videokamerukalla/konur. Með bros á vör, Ómar sagði að það dygði ekkert minna en heilt rækjutroll til skrauts í ár! Venni í Stuð ehf og Exton mennirnir voru þarna á fullu að setja saman sounddraslið, ljósashowið og það allt saman sem ég kann varla að tala um. Sá ekki Önna Páls, en hann er nú alltaf þarna líka. Og fullt af ísfirskum púkum að hjálpa til, þetta er alvöru! Kukl menn voru mættir á svæðið með magnað hjólhýsi til að koma þessu nú öllu út á netið. Svo voru Veraldarvinir með ísafjarðarvininn Ásgeir Guðmundsson(Geira síðhærða) í fararbroddi á leiðinni til að hjálpa til líka, komu alla leið frá Reykjavík til að vinna sjálfboðavinnu!

Tók smá myndasyrpu af þessu hörkuduglega fólki, kíkið.

Það er gott að búa á Ísafirði - respect!