Snorri Örn Rafnsson | laugardagur 28. mars 2020

Verslum Aldrei!

Við ætlum að bjóða upp á lítið Aldrei söluhorn næstu daga í Aðalstræti 24, byrjum í dag milli kl. 13-16.
Nýjar Aldrei 2020 peysur, húfur, bolir og samfellur fyrir börnin. Litur ársins er silfur og Aldrei 2020 húfan er með endurskini!

Hlökkum til að sjá ykkur en minnum á að fyllsta öryggis verður gætt, tveggja metra regla milli fólks virt og hanskar og spritt í boði.

Takk fyrir stuðninginn!

Snorri Örn Rafnsson | laugardagur 14. mars 2020

Streymum stuðinu í stofur landsmanna

Tónlistarhátíðin Aldrei fór ég suður mun fara fram laugardaginn 11. apríl.

EKKI KOMA SAMT.

Hátíðin mun alfarið fara fram á netinu og verður streymt heim í stofu. Vonum samt að allir mæti í stuði.
Höldum uppi gleðinni og áfram með tempóið!

Snorri Örn Rafnsson | mánudagur 17. febrúar 2020

Þessir spila á Aldrei 2020!

Aldrei fór ég suður væri ekki sú hátíð sem hún er í dag ef ekki væri fyrir bæjarbúa og velvild þeirra í garð hennar.
Það eru allir svo til í þetta!

Það sést hvergi betur en í myndbandinu sem við vorum að gefa út í dag til að kynna þá listamenn sem munu spila á hátíðinni í ár.

Ásgeir frá Gústi Productions ásamt fleiri góðum fóru á kreik með myndavél og náði nokkrum góðum ísfirðingum við störf og leik.

Frábært myndband sem kynnir þá tónlistarmenn sem koma fram í ár ásamt því að sýna stemninguna sem ríkir í bæjarfélaginu þegar kemur að tónlistarhátíð alþýðunnar.

Sjáumst á ALDREI!

 

Snorri Örn Rafnsson | fimmtudagur 16. maí 2019

Rokkstjórinn þakkar fyrir frábæra hátíð

TAKK!

Ég er um það bil að lenda aftur á jörðinni. Búinn að ferðast niður úr þessum margfræga sjöunda himni, hef loks náð að sannfæra sjálfan mig um að ég hafi ekki verið að taka þátt í lygasögu. Ég er svona að mestu búinn að þrífa af mér alla þessa frasa sem ég hef farið með, þegar ég hef verið spurður hvernig hafi gengið á Aldrei fór ég suður á páskunum. Allir hljóma þessir frasar sem innantóm froða. En hvernig gekk allt saman? Jú, þetta gekk einmitt eins og í lygasögu.


Meira
Tinna Ólafsdóttir | fimmtudagur 18. apríl 2019

Lænöppið 2019!

Stundin er runnin upp! Við kynnum: LÆNÖPPIÐ!

Tinna Ólafsdóttir | föstudagur 12. apríl 2019

Allt sem þú þarft að vita fyrir vesturför

Ertu að koma vestur um páskana? Veistu ekki alveg hvernig þetta gengur fyrir sig? Veltir þú því fyrir þér hvernig þú átt að komast hingað, hvað þú átt að borða og hvernig þú átt að þrífa þig? Ekki örvænta. Hér efst á síðunni er flipi sem heitir „upplýsingar“ og þar finnur þú allar helstu upplýsingar um dagskrána á svæðinu, skíðavikuna, veitingar, opnunartíma sundlauga og fleira og fleira. Vefurinn paskar.is er líka prýðileg uppspretta gagnlegra upplýsinga.

Sjáumst hress um páskana!