Listamenn og lífskúnstnerar árið 2011
Part cinco
Horfðu til himins, fáðu kennslu stund í ástarmálum flugvéla og þú gætir orðið alelda. Nýdönsk hafa lengi verið með ástsælustu poppböndum þjóðarinnar og það er líklegast enginn lifandi manneskja á klakanum sem getur sagt að hann hafi aldrei verið með eitt af lögum þeirra pikkfast í hausnum yfir lengri eða skemmri tíma.
Hinir ísfirsku Alfreðsson bræður ásamt fríðu föruneyti skipa jazz/rock/funk/pop bræðings bandið Virtual Motion. Nafnið segir í rauninni allt sem segja þarf, á meðan þú hlustar fara þeir með þig í ómeðvitaða fleygiferð um víðlendur tónlistar þeirra. Þeir eru meira svo elskulegir að semja nýtt efni fyrir framkomu þeirra á AFÉS, geri aðrir betur!
Virtual motion í lifandi músík flutningi:
Þetta margumtalaða vestfirska kvennaband vaknar úr dvala sínum og rokkar sokkana af öllum sem ekki hafa vit á því að ganga í sokkaböndum. Þau hafa staðið í ströngu við að bola burtu blaðamönnum og papparössum allt frá því að endurkoman var tilkynnt enda er ekki á hverjum degi semað maður fær veður af því að stuðfylltar ísfirskar húsmæður séu að fara lifta þakinu af skemmu Aldrei fór ég suður!
Keflvíska bandið lifun var stofnað snemma á árinu 2008 og verið í stanslaustum vexti síðan þá, gáfu meðal annars út sína fyrstu breifskífu á síðasta ári. Þau spila hresst dægurlagapopp sem var meira að segja blessað af rokkkóngi Íslands Rúnari Júlíussyni rétt fyrir andlát sitt. Það er von á góðu!
Er hálf-íslenskur Jazz píanóleikari sem búsettur er í þýskalandi, hann kemur fram á hátíðinni með þremur vinum. Hann kom til íslands í leit að sínum uppruna 2010 og dvaldist þá á Flateyri og vann þar ásamt hljómsveit í efni en það eru íslensk þjóðlög aðlöguð að stíl sveitarinnar(ég verð að lauma inn einu “zchnilld!” hérna).
Listaparið Valdi og Erna leiða saman hesta sína í þessari elektrónísku, danstrans, tilfinninga sprengju músík. Raddböndunum er refsað, leikið við hljóðhimnurnar og manni er þrykkt í óhjákvæmilegan gír til þess að hrista hausinn og gleyma sér í tíma og rúmi.
Ég legg til að hjartveikir geri varúðarráðstafanir við hæfi.